就快到世界盃啦！除咗約定朋友，儲定糧倉，仲要一部聲、影、畫俱備嘅4K電視，等你置身現場睇波！唔知點樣揀？今次JPER就比啲貼士大家，教你揀返部高性價比又適合自己嘅4K電視。

4K 電視有幾高清？毛孔都無所遁形

聽人講電視機有「4K」、「8K」、「FHD」、「UHD」，其實全部都講緊螢幕分辦率，即係畫面解析度。以往電視標準配置最常見的分辨率為1920 x 1080，亦稱為FHD 全高清。各電視製造商正轉向超高清電視機（也稱為4K），4K型號嘅像素數係HDTV螢幕四倍，可達到3840 x 2160像素或4096 x 2160 像素 (總像素高達829萬)，像素數值越高，解像度就越高，圖像比高清電視更豐富、更逼真、更清晰，主角啲毛孔無所遁形。

攻略一：揀電視尺寸要計距離

電視尺寸由從屏幕左上角到右下角量度，一般用「吋」做單位。近呢幾年，大尺寸電視嘅價錢越嚟越親民，大牌子嘅55吋電視$8000蚊都唔駛，但係咪尺寸越大就越好呢？梗係唔係啦，長期睇部唔啱尺寸嘅電視，會影響視力㗎。

市面上，所有電視都有其建議嘅觀賞距離和角度，購買前記得要考慮呢兩個因素。根據大部份廠商提供嘅資料，電視屏幕最佳觀賞角度係40度，最能有親臨其境的觀賞體驗。

而最佳觀賞距離就取決於電視尺寸，只要將電視尺寸乘1.2，就係最適合嘅觀賞距離。

舉例：一部55吋嘅電視機，最適合嘅觀賞距離就係55吋x 1.2=66吋，大約5.5呎。以下係一啲常見嘅電視呎寸建議嘅觀賞距離，比大家參考下：

揀電視前，最緊要先度清楚屋企嘅空間，再計算好建議觀賞距離同角度，就可以輕輕鬆鬆咁揀返部合適嘅電視。

攻略二：根據畫質需求挑選面板

除了觀賞距離同角度，電視面板亦不能忽視，因為會影響畫面本身的質感。市面上普遍可分為 VA、IPS、OLED、QLED 呢四類面板技術，效果各有不同。

▶ VA面板

1)    優點：螢幕對比好，即時感受得到畫面光暗，黑色呈現得出色，深邃宏遠

2)    缺點：可視角度相對較窄，從唔同角度觀賞同一畫面，會有輕微色差

▶ IPS

1)    由不同角度睇都唔會有色差，色彩部份比VA表現更出色，但對比度就無VA咁好

2)    優點：可視角度非常廣闊，如果屋企比較大，即使坐喺死角睇電視都無問題

3)    缺點：光暗對比表現普通，睇電影時呢個缺點好突出

▶ OLED

1)    面板本身帶自發光有機體，色彩呈現極度突出，多數用喺較高規格嘅產品上，適合追求薄身電視機嘅你

2)    優點：因為發光原理嘅關係，OLED非常輕薄，色彩表現亦相當鮮豔，可以享受到高規格嘅畫面表現

3)    缺點：用耐咗會有色衰，價格亦比其他面板貴好多

▶ QLED

1)    在VA面板加上廣色域嘅背光模組

2)    優點：色彩表現上能與OLED面板媲美，而且唔會出現OLED色衰嘅問題，價格仲要比OLED平啲

3)    缺點：量子點功耗比一般液晶電視為高

VA同IPS面板算係上世紀嘅產物，所以如果無預算上嘅考慮，建議揀OLED或QLED；如果真係要由VA同IPS二選一嘅話，就要睇本身電視嘅用途，如果睇電影、劇集為主，就應該揀VA；但如果用作打機呢類要求畫面高速有變化嘅支援，就應該揀IPS。

由即日起J-Mart推出秋季家電大激減，以激筍價入手Samsung, Sony, LG及TCL等人氣4K智能電視機，最高優惠低至54折！即到J-Mart睇睇！

資料來源：

【延伸閱讀】

【ME的裝修夥伴】JPER百科 - 窗台大變身！4個提案令窗台更實用！

【ME的裝修夥伴】JPER貼士 - 輕裝修換窗簾！6大款式美觀又實用！